កម្ពុជាអាយធី | Kampuchea-IT : May 2015

Tuesday, May 26, 2015

លក្ខណៈពិសេសថ្មីមួយចំនួនក្នុង Microsoft Visual Studio 2012

មកដល់ពេលបច្ចុប្បន្ន Microsoft Visual Studio បានវិវត្ដដល់ជំនាន់ 2012 ហើយ (គឺ Microsoft Visual Studio 2012) ។ វាត្រូវបានដាក់ឲ្យប្រើប្រាស់តាំងពីជំនាន់ 2011 beta មកម្លេះ ។

ចំពោះអ្នក សរសេរកម្មវិធីដែលធ្លាប់ប្រើប្រាស់ Microsoft Visual Studio ប្រាកដជាចង់ដឹងអំពីអ្វីដែលថ្មីសម្រាប់ជំនាន់ 2012 នេះ ។

IDE ត្រូវបានកែសម្រួល និងបន្ថែមថ្មីៗ

User interface ក៏ដូចជា color system, toolbars និង menu រួមទាំង icon ជាច្រើនត្រូវបានផ្លាស់ប្តូរដូចរូបខាងក្រោម៖

អ្នកអាចក្រឡេកទៅមើល file នីមួយៗដែលមានក្នុង Solution Explorer ឧទាហរណ៍ files របស់ C# គឺមានពណ៌បៃតង

ស្វែងរកនិងដំណើរការ
មានភាព ងាយស្រួលក្នុងការស្វែងរកអ្វីមួយ និងឆាប់រហ័សដូចជា controls ដែលមាននៅក្នុង toolbox ជាដើម ។ លោកអ្នកនឹងឃើញប្រអប់មួយស្ថិតនៅផ្នែកខាងលើនៃ Visual Studio ដែលប្រើប្រាស់សម្រាប់ធ្វើការស្វែងរកអ្វី ដែលទាក់ទងនឹង project ដើម្បីដំណើរការដូចជា options, templates, menus, toolsឧទាហរណ៍ ដើម្បី Clean project ឬ solution អ្នកគ្រាន់តែធ្វើការសរសេរពាក្យស្វែងរកនោះវានឹងបង្ហាញ ។

Preview Tab
អ្នកអាចមើលឯកសារ (files) ដោយមិនចាំបាច់បើកឯកសារនោះឡើយ គឺគ្រាន់តែចុចលើឯកសារដែលមាននៅក្នុង Solution Explorer នោះវានឹងបង្ហាញភ្លាម ។ ឯកសារនឹងបើកកាលណាអ្នកបានកែប្រែអ្វីមួយទៅលើវា ។

លើសពីនេះវាអាចលោតទៅកាន់ទីតាំងផ្នែកណាមួយដែលអ្នកបានចុចលើវា

.NET Framework
ចំណុចដែលសំខាន់គឺវាឈានដល់ការប្រើប្រាស់ .NET Framework 4.5 ហើយដែលក្នុងនោះអ្នកសរសេរកម្មវិធីនឹងត្រូវស្វែងយល់អំពីវាបន្ថែមទៀត ។ ខ្ញុំសូមលើកឧទាហរណ៍មួយសម្រាប់ភាសា C# ខាងក្រោមរវាង .NET Framework 4 និង .NET Framework 4.5 ។
.NET Framework 4

.NET Framework 4.5

ប្តូរ Color Theme
អ្នក ក៏អាចផ្លាស់ប្តូរពណ៌នៃផ្ទាំងការងារ (color theme) ដូចរូបខាងក្រោមដោយគ្រាន់តែសរសេរពាក្យ color theme នៅក្នុងប្រអប់ Quick Launch (Ctrl+Q) រួចជ្រើសរើសយកពាក្យ Environment-General

ជ្រើសរើស Dark ដូចក្នុងរូបហើយចុច OK

សូមមើលលទ្ធផលខាងក្រោម ៖

អត្ថបទនេះមិនបានរៀបរាប់ស៊ីជម្រៅទេ ពីព្រោះយើងបានដឹងហើយថា Microsoft Visual Studio គឺជា IDE មួយដែលប្រមូលផ្តុំទៅដោយច្រើនភាសាក៏ដូចជាប្រភេទនៃ Applicationsផ្សេងៗផងដែរ (Web Forms Applications, Windows Forms Applications, Mobile Applications, Metro Applications,…) ។ ដូច្នេះចាប់ផ្តើមទាំងអស់គ្នា ដើម្បីស្វែងយល់អំពីបច្ចេកវិទ្យាថ្មីៗនាពេលបច្ចុប្បន្ន និងជួយលើកកម្ពស់វិស័យព័ត៌មានវិទ្យាឲ្យកាន់តែប្រសើរឡើង ។

ចូលអានលម្អិត...

អ្វីដែលធ្វើឲ្យអ្នកសរសេរកូដ PHP មិនបានល្អ

ជាធម្មតាការសរសេរកម្មវិធីមួយយើងមិនអាចជៀសផុតបានឡើយពីកំហុសឆ្គង ដែលបង្កឲ្យកើតមានភាព Error ។ ម្យ៉ាងទៀត ដើម្បីទទួលបានលទ្ធផលអ្នកសរសេរតែងរិះរកគ្រប់វិធី ដើម្បីដោះស្រាយដោយមិនបានគិតពីការលំបាកនៅពេលក្រោយដែលអាចនឹងកើតមានឡើង ។ ពេលនេះយើងនឹងនាំអ្នកទាំងអស់គ្នាទៅមើលពីកត្តាខ្លះៗដែលអាចបង្កឲ្យការ សរសេរកម្មវិធីរបស់អ្នកមិនបានល្អ ។

ការសរសេរដោយមិនបានរៀបគម្រោងទុកជាមុន

មុននឹង សម្រេចសរសេរ code យើងត្រូវដឹងជាមុនថាយើងចង់ធ្វើពីអ្វី បន្ទាប់ពីសរសេរចប់មួយដំណាក់កាលតើយើងគួរសរសេរអ្វីបន្តទៀត ។ ការសរសេរបណ្តើរគិតបណ្តើរអាចបង្កឲ្យយើងខាតពេលវេលាក្នុងការសរសេរ ។ ដូចនេះយើងគូរគិតទុកជាមុននូវដំណាក់កាលដែលត្រូវធ្វើដោយសរសេរជា comment ជាមុនសិន ។

មិនបានដាក់ comment ក្នុងកូដសម្រាប់ចំណាំ
ការ សរសេរដោយមិនបានដាក់ជាឃ្លាកំណត់សម្គាល់អាចបង្កឲ្យមានការច្រឡំកើតឡើង ។ ជួនកាលអាចនឹងពិបាក ឬខាតពេលក្នុងការស្វែងយល់ពី code ដែលខ្លួនបានសរសេរទៀតផង ។

យើងគួរតែប្រើជា comment ដើម្បីធ្វើជាការចំណាំទុក

ប្រើឈ្មោះជាទម្រង់កាត់
ទាក់ទងនឹងចំណុចនេះគឺសំដៅទៅលើការបង្កើត variable ឬក៏ការប្រើបា្រស់ blockនៃ code ដោយមិនប្រើ curly braces { } ។ ជាក់ស្ដែងប្រសិនបើអ្នកបង្កើត variable ដោយមិនបានគិតពីឈ្មោះជាក់លាក់ ឬសរសេរជាទម្រង់កាត់ជួនកាលអ្នកនឹងជួបការលំបាកនៅពេលក្រោយដោយសារការ ច្រឡំ variable ដោយខ្លួនឯង ។

ការ បង្កើត variable បែបនេះដំបូងគឺពិតជាមានភាពងាយស្រួលព្រោះវាខ្លីនឹងងាយស្រួលសរសេរ ប៉ុន្តែនៅពេលយូរបន្តិច ឬ នៅពេលដែលមាន variable ច្រើនអ្នកមានការច្រឡំថាតើ $n និង $a មានន័យថាម៉េចសំដៅលើអ្វី?
អ្នកគួរតែបង្កើត variable ដែលមានន័យគ្រប់គ្រាន់ងាយស្រួលយល់ដូចខាងក្រោម ៖

ម្យ៉ាងទៀតការមិនប្រើប្រាស់ curly braces អាចនឹងបង្កឲ្យមានកំហុសកើតឡើងដោយសារវាអត់ស្គាល់ block ដែលវាត្រូវដំណើរការ ។

នេះជាលទ្ធផលនៅពេលដែលយើងមិនប្រើ curly break

តាមរយៈការបង្ហាញខាងលើអ្នកគួរតែបន្ថែម curly braces ដើម្បីកំណត់ពី Block ដែលវាត្រូវធ្វើ ។

លទ្ធផលនៅពេលដែលយើងប្រើ curly break

សរសេរកូដមិនតាមគោលការជាក់លាក់
នៅ ក្នុងការសរសេរកម្មវិធីអ្នកមិនបានកំណត់ឲ្យច្បាស់លាស់ទៅលើការ សរសេរ code ដូចនេះវាងាយស្រួលនឹងបង្កឲ្យមានភាពច្រឡំកើតឡើង ។ អ្នកគួរតែកំណត់ឲ្យបានច្បាស់ពីការសរសេរ ដូចជាការកំណត់ទៅលើឈ្មោះនៃ function ជាដើម ដែលគួរតែផ្តើមដោយអក្សរតូចនូវពាក្យដំបូងនឹងអក្សរធំខាងដើមចំពោះពាក្យដែល នៅបន្តបន្ទាប់ ។
function ដែលមិនបានកំណត់គោលការណ៍សរសេរឈ្មោះច្បាស់លាស់

function ដែលបានកំណត់គោលការណ៍សរសេរឈ្មោះច្បាស់លាស់

ការសរសេរកូដច្រំដែល
នៅ ក្នុងការសរសេរ code បង្កើតគេហទំព័រប្រសិនបើមាន code អនុវត្តន៍ការងារមួយនៅច្រើនកន្លែងក្នុងកម្មវិធីរបស់អ្នក គឺចាត់ទុកថាមិនល្អដូចនេះការសរសេរ អ្នកគួរតែជៀសវាងការសរសេរ code ច្រំដែល ។ ហើយ ដើម្បី ជៀសវាងយើងអាចបង្កើតជា function ឬ អាចឈានទៅដល់ការបង្កើតជា class ដែលកាន់តែផ្ដល់នូវភាពងាយស្រួល និងជួយពន្លឿនដល់ការសរសេរ code របស់អ្នកទៀតផង ៕

ចូលអានលម្អិត...

តើហេតុអ្វីមហាវិទ្យាល័យផ្នែក IT បង្រៀនភាសា C++ ជាដំបូងគេ?

សម្រាប់ប្អូនៗដែលកំពុងរៀននៅតាមមហាវិទ្យាល័យនានាផ្នែក IT (Computer Science) ប្អូនៗត្រូវដឹងថាភាសាកម្មវិធី (Programming Language) ដែលប្អូនត្រូវយកចិត្តទុកដាក់បំផុតជាដំបូងនោះគឺភាសា C++ ដែលប្អូនរៀនក្នុងឆ្នាំដំបូងនៃផ្នែក IT ហេតុអ្វី?

♦ ភាសា C++ ជាភាសាដំបូងដែលនាំឲ្យប្អូនបានចាប់ផ្ដើមស្គាល់ពីអ្វីដែលហៅថា Classes ដែលជាប្រភពនៃការបង្កើត Objects ហើយវាត្រូវបានអនុវត្តន៍យ៉ាងពេញលេញជាមួយនឹងភាសាកម្រិតខ្ពស់ដូចជា C#, Java, F#, Objective-C, PHP... ។ កាលណាប្អូនមានមូលដ្ឋាន Classes នេះរឹងមាំប្អូនអាចរៀនភាសាប្រភេទ OOP ដែលបាននិយាយខាងលើនេះដោយងាយ ជាពិសេសគឺប្អូនមានលទ្ធភាពអាចបង្កើត Libraries (សម្រាប់ Windows OS គឺ .DLL file ដែលប្អូនធ្លាប់បានឃើញ ឬ .so សម្រាប់ Android) ក្នុងការងារ Projects ធំៗ ។

♦ ភាសា C++ ក៏ជាភាសារមូលដ្ឋានដែលដែលប្អូនៗបានហ្វឹកហាត់ការអត់ធ្មត់ជាមួយនឹងការ សរសេរកូដដ៏ច្រើនសម្រាប់បង្កើតកម្មវិធីណាមួួយ (ត្រូវចាំថាអ្នក Programmer គឺមានភាពអត់ធ្មត់ និង ការតស៊ូ ដើម្បីសម្រេចលើគោលបំណងនៃការបង្កើតកម្មវិធីណាមួយ) ។
♦ ភាសា C++ ជាមូលដ្ឋានដែលប្អូនៗបានស្វែងយល់ពីអ្វីដែលហៅថា Algorithm (មានសិស្សជាច្រើននៅមានភាពមិនច្បាស់លាស់ពីអ្វីដែលហៅថា Algorithm វាជាការងាយយល់ទេ វិធីសាស្រ្តនិងដំណាក់កាលជាជំហ៊ានៗដែលប្អូនៗយកមកដោះស្រាយបញ្ហាណាមួយ ហើយទទួលបានជោគជ័យដូចបំណងនោះហើយហៅថា Algorithm ត្រូវចាំថាការដោះស្រាយបញ្ហាមួយវានឹងមាន Algorithms ច្រើនអាចយកមកប្រើបាន) ។
♦ ភាសា C++ ជាមូលដ្ឋានដែលបង្រៀនប្អូនឲ្យស្គាល់ពីអ្វីដែលហៅថា Data Structure ដោយប្អូននឹងរៀនពី Arrays, Pointer, LinkList, Stack, Queu... ដែលជាវិធីនៃការគ្រប់គ្រងទិន្នន័យបែបលក្ខណៈ flat មួយមុននឹងប្អូនៗឈានទៅរកការសិក្សាអំពី Database Management ,Generics, Collections,LAMDA, LINQ នៅក្នុង C# ឬ Java
♦ ភាសា C++ នឹងនាំឲ្យប្អូនៗបានយល់ពីអ្វីដែលហៅថា Control Structure ក្នុងការធ្វើឲ្យកម្មវិធីដែលប្អូនបានបង្កើតអាចធ្វើអ្វីមួយតាមតម្រូវ ការ ។ ពេលដែលប្អូនៗសិក្សាពី Control Structure ប្អូននឹងដឹងថាអ្វីទៅដែលហៅថា Expression និង Logic (ដែលប្អូនបានរៀនក្នុងគណិតវិទ្យាដូចជា តក្កវិទ្យា និង សំនុំជាដើម) ។
ជាសង្ខេបកាលណាប្អូនៗ មានមូលដ្ឋានភាសា C++ រឹងមាំប្អូនៗនឹងអាចរៀនភាសាកម្រិត High level ដូចជា C#, Java, PHP ឬក៏មានបំណងចង់សិក្សារបៀបសរសេរកម្មវិធី សម្រាប់ Android, Windows Phone ឬ iOS (iPod,iPhone, និង iPad បានលឿន) ។

ហើយ ក៏ត្រូវចាំថាទោះបីជាប្អូនប្រើ C# or Java ក្នុងការបង្កើតកម្មវិធីទាំង Desktop និង Mobile Phone ប្អូនក៏នៅតែអាចយកភាសា C++ មកសរសេរលាយជាមួយបានដែរ ដូចរូបភាពខាងក្រោមនេះគឺជា កូដ C++ ដែលខ្ញុំយកមកប្រើក្នុងកម្មវិធី ANTVideo Tube របស់ Android និង ANTVideo Converter របស់ Windows Desktop ដែលខ្ញុំបានចេញកន្លងមក ។
https://www.facebook.com/ant.com.kh/photos/a.206554419384411.57521.189050567801463/755782101128304/?type=1&theater
https://www.facebook.com/ant.com.kh/photos/a.206554419384411.57521.189050567801463/755299947843186/?type=1&theater

ចូលអានលម្អិត...

Tuesday, May 26, 2015

លក្ខណៈ​ពិសេស​ថ្មីមួយចំនួន​ក្នុង Microsoft Visual Studio 2012

អ្វី​ដែល​ធ្វើ​ឲ្យ​អ្នក​សរសេរ​កូដ PHP មិនបាន​ល្អ

តើហេតុអ្វីមហាវិទ្យាល័យ​ផ្នែក IT បង្រៀនភាសា C++ ជាដំបូង​គេ?

លក្ខណៈពិសេសថ្មីមួយចំនួនក្នុង Microsoft Visual Studio 2012

អ្វីដែលធ្វើឲ្យអ្នកសរសេរកូដ PHP មិនបានល្អ

តើហេតុអ្វីមហាវិទ្យាល័យផ្នែក IT បង្រៀនភាសា C++ ជាដំបូងគេ?